UEFA Azərbaycana hə deyir

FİFA referiləri Vüsal Əliyev və Fariz Yusifov yeni təyinat alıblar. Azerisport.az xəbər verir ki, 17 yaşadək futbolçulardan ibarət komandalar arasında Avropa çempionatının seçmə mərhələsinin 1-ci qrupu çərçivəsində sentyabrın 26-dan oktyabrın 3-dək keçiriləcək oyunları idarə edəcək hakimlərdən biri də Vüsal Əliyev olacaq. Bu qrupun oyunları Xorvatiyada keçiriləcək. Qrupda Yunanıstan, Bolqarıstan, İsrail və Xorvatiya komandaları mübarizə aparacaq.

 

AFFA saitının məlumatıma görə, bu seçmə mərhələnin 6-cı qrupu çərçivəsində sentyabrın 20-dən 27-dək keçiriləcək oyunları idarə edəcək hakimlərdən biri də Fariz Yusifov olacaq. Bu qrupun oyunları Belarusda keçiriləcək. Qrupda Rumıniya, Belçika, Qazaxıstan və Belarus komandaları mübarizə aparacaq.