Türkiyədə doqquz futbolçu həbs oluna bilər

Danışılmış oyunların təşkilinə görə doqquz futbolçunun və bir məşqçinin 10 ilə qədər həbs cəzası alma ehtimalı yüksəkdir.

 

azerisport.az xəbər verir ki, bu gün Türkiyədə futbol oyunlarının satılması ilə hər hansı bir əlaqəsi olan daha 87 nəfər həbs edilmişdir. İttiham tərəfinin sözlərinə görə, cinayətkarların bu qeyri-qanuni fəaliyyətdən qazancları ildə 30 milyon dollara çatırmış. Əsas etibarilə Türkiyə çempionatının ikinci və üçüncü divizionlarının komandaları ilə danışıqlar aparan dəllallar oyunların nəticələrinə təsir göstərirmişlər.

 

İstintaqın əlində həmçinin «Qaziantepspor»un qapıçısı ilə aparılan söhbətin audioyazısı da var. Söhbət əsnasında o, «Kayserispor»la oyunda 2 top buraxmağa razılıq verir.

 

Məhkəmənin tarixi barədə hələlik məlumat verilmir.