Qurban QURBANOV: 4:1 futbolçularımı rahat meydana çıxacağının göstəricisi deyil

Azerisport.az xəbər verir ki, Avropa Liqası ilkin təsnifat mərhələsi, cavab oyunu çərçivəsində 8 iyul tarixində keçiriləcək «Metallurq» - «Qarabağ» matçına həsr olunmuş mətbuat konfransı üçün zala ilk olaraq «Qarabağ»ımız daxil oldu.

 

Baş məşqçi Qurban Qurbanovla yanaşı, kapitan Aslan Kərimov və müdafiəçimiz Maksim Medvedevin də iştirak etdiyi mətbuat konfransını «Metallurq» komandasının mətbuat katibi açıq elan etdi. 4:1 hesabını qabartmaq istəyən mətbuat işçilərinə cavabında Qurbanov «Bu hesab heç də futbolçularımı rahat meydana çıxacağının göstəricisi deyil. Rəqibi qiymətləndiririk və güclü olduğunu düşünürük» cavabını verdi. Müdafiə xəttində problemin olması sualına baş məşqçimiz «Müdafiədəki zədəli və cəzalı futbolçuların yerini digər futbolçularımızla dolduracağımıza inanıram» cavabını verməklə yanaşı, Maksimin sabahkı oyunda start heyətində çıxacağını da rəqib komandaya mesaj göndərdi.

 

Klub saytının məlumatına görə, Aslan Kərimov ilk oyunun 4:1 nəticələnməsinə baxmayaraq, cavab görüşünün heç də asan oyun olmadığını bildirdi. Rəqib azarkeşlərin daha da ruhlandıracağı «Metallurq»un cavab oyununa daha da istəkli və qələbə əzmi ilə çıxacağını və futbolçularımızın bunu dərk etdiyini söylədi: «Oyunun həddən artıq çətin keçəcəyini düşünürəm. Amma 90 dəqiqənin sonunda biz turu keçən komanda olacağıq».

 

Maksim də Aslanın sözlərinə dəstək oldu: «Rəqibin ilk dəqiqədən önə atılacağını bilirik. Bunun qarşılığına güclü müdafiə olunub, sürətli hücumlarla qol vuracağımızı, hər iki oyunda qələbə qazanmağı istəyirik».