16 iyul 2010 17:03
Bakı və Qarabağ potensial rəqiblərinini tanıdılar (YENİLƏNDİ)
Bu gün İsveçrənin Nyon şəhərində Avropa Liqasının 3-cü təsnifat mərhələsinin püşkatma mərasimi keçirildi. Azerisport.az xəbər verir ki, Azərbaycanın "Bakı" və "Qarabağ" klubları öz potensial rəqiblərinin adlarını bildilər.
"Bakı" "Brondby" (Danimarka) – "Vaduz" ("Lixtinşteyn") "Qarabağ" isə "Şaulyay" (Litva) – "Visla" (Polşa) cütlüylərin qalibləri ilə görüşə biləcəklər.
Xatırladaq ki, ilk oyunda «Bakı» Çernoqoriyanın «Buduçnost» komandasını, "Qarabağ" isə qonaq meydanında Şimali İrlandiyanın "Portadaun" klubunu məğlub ediblər. Hər iki oyun 2:1 hesabı ilə Azərbaycan komandalarının xeyrinə bitib.
Qeyd edək ki, "Brondby" (Danimarka) – "Vaduz" ("Lixtinşteyn") ilk oyunu 3:0, "Şaulyay" (Litva) – "Visla" (Polşa) ilk oyunu isə 0:2 hesabı ilə nəticələnmişdirlər.
Həmçinin, Türkiyənin "Qalatasaray" klubunun rəqibi "OFK" (Serbiya) – "Torpedo" (Belarus) cütlüünün qalibi olacaq (ilk oyun 2:2), "Beşiktaş" komandasının rəqibi isə Çexiyanın "Viktoriya Plzen" komandası ola bilər. Xatırladaq ki, "Beşiktaş" ilk oyunda "Vikinqur" (Farer adaları) komandasını 3:0 hesabı ilə məğlub etib.
Avropa 3-cü təsnifat mərhələsinin ilk oyunları iyulun 29 və avqustun 5-də kiçiriləcək.
