18 iyul 2010 15:11
İngiltərə yığmasının oyunçuları Kapellonun getməsinin istəyir
İngiltərə futbol üzrə yığmasının oyunçuları Capello Index saytında dərc edilən reytinqdən narazıdırlar və Fabio Kapellonun millidən getməsinin istəyirlər. Azerisport.az Britaniyanın Mirror saytına istinadən xəbər verir ki, əvvəlcə planlaşdırılırdı ki, italiyalı mütəxəssis hər futbolçunun reytinqini bu saytda dünya çempoinatının ərəfəsində açıqlayacaq, lakin İngiltərə futbol federasiyası onu bu fikirdən vaz keçməyə çağırdı. Dünən isə, nəhayət, bu statistika dərc olunmuşdu. Amma millinin futbolçuları bu reytinqdən çox narazı qaldılar.
Nüfuzlu futbolçulardan birinin sözlərinə görə, İFF onu ya işdən çıxartmalıdı, ya da ki Kapello özü bu vəzifədən getməlidi.
"Maraqlıdı, görəsən Kapello özü buna necə reaksiya göstərərdi əgər biz onun millidəki işini 100 xaldan 20 xalla qiymətləndirsəydik? O, bu reytinqə görə məsuliyyət daşımalıdı. Nəzərə alsaq ki, biz son dünya çempionatında heç də uğurlu çıxış etməmişik, məşqçinin bu hərəkəti şərəfsizdi", - bu sözləri isə yığmanın digər bir oyunçusu bildirib.
