18 iyul 2010 00:03
Venqer: Fabreqas Arsenalda qalacaq!
İngiltərənin "Arsenal" klubunun baş məşqçisi Arsen Venqer bəyan edib ki, komandanın yarımmüdafiəçisi Sesk Fabreqasın İspaniyanın "Barcelona" klubuna transferi haqqında öz fikirlərini bildirdi. Azerisport.az "Arsenal"-ın rəsmi saytına istinadən xəbər verir ki, Venqer ispniyalı oyunçu "Barcelona"-ya keçməyəcək.
"Son vaxtlar çoxlu lazımsız söhbətlər gəzirdi. Bunu hər gün oxumaq o qədər də xoş deyildi. İndi isə Fabreqasın "Barcelona"-ya keçidi haqqında bütün söz-söhbətlərin sonu gəldi. Sesk bizim kapitanımızdı, o, komanda üçün çox vacibdi. Və biz artıq heç bir təklif müzakirə etməyəcəyik. Bu pul söhbəti deyil. Sadəcə olaraq, biz istəyirik ki, Fabreqas komandada qalsın", - baş məşqçi bildirdi.
Venqerin sözlərinə görə, onlar öz sevgi və qayğısını Fabreqasa komandaya gələn gündən nümayiş etdiriblər: "Mən hesab edirəm ki, Sesk "Arsenal"-ı sevir. O, kluba öz məhəbbətini nümayiş etdirib və mən əminəm ki, bu transfer haqqında hekayə artıq bitdi".
