20 iyul 2010 13:07
Jaba de Karvalyo: Bakıya qələbə ilə dönmək istəyirik
Azərbaycanın "Bakı" futbol klubunun braziliyalı futbolçusu Jaba de Karvalyo Avropa Liqasının 2-ci təsnifat mərhələsi çərçivəsində Çernoqoriyanın "Buduçnost" komandsı ilə cavab görüşündən əvvəl öz fikirləriylə bölüşdü. Azerisport.az "Bakı"-nın rəsmi saytına istinadən xəbər verir ki, braziliyalı forvard Bakıya qələbə ilə dönməyə çalışacaqlarını söylədi:"İlk oyunda çətinliklə də olsa qələbə qazandıq. İndi qarşıda bizi daha 90 dəqiqə gözləyir. Bununla belə, çalışıb səfər matçında da qələbə qazanmalıyıq. Bakıya qələbə ilə dönmək istəyirik".
Onun sözlərinə görə, cavab oyunu heç də asan olmayacaq. "Lakin biz ötən oyunun ikinci hissəsində olduğu kimi hücumda fəallıq göstərsək, rahat qələbə qazana bilərik. İlk oyundakı kimi bu görüşdə də qol vurmaq istəyirəm".
