20 iyul 2010 11:35
Joel EPALLE: "Buduçnost" asan rəqib deyil
Azərbaycanın "Bakı" futbol klubunun yeni oyunçusu kamerunlu Joel Epalle azerisport.az saytına komandasının Avropa Liqasının 2-ci təsnifat mərhələsi çərçivəsində Çernoqoriyanın "Buduçnost" klubuna qarşı keçirilmiş ilk və qarşıda gələn cavab oyunu haqqında öz fikirləriylə bölüşdü.
"Oyundan əvvəl biz "Buduçnost" haqqında o qədər də məlumatlı deyiliydik. Onlar bizim üçün bir sirr idi. Biz rəqibdən güclü idik, bütün 90 dəqiqə ərzində hücum edirdik. Onlar isə cəmi bir dəfə qapımızın qarşısında təhlükə yaraddılar və bu hücum qolla nəticələndi. Buna baxmayaraq 2:1 hesablı qələbə bizə növbəti mərhələyə keçməyə şans yaradır. Cavab görüşdə isə biz öz səviyyəmisi göstərməliyik. "Buduçnost" asan rəqib deyil və mübarizəsiz təslim olmayacaq".
Həmçinin futbolçu öz yeni klubu ilə bağlı bildirdi ki, komandanın daxilində əla mühit yaranıb: "Ona görə də mən inanıram ki, bu avromövsümündə biz növbəti mərhələlərə keçəcəyik. Hətta qrup mərhələsinə də düşə bilərik. Bu mümkündü. Kamerun axı Olimpiadanı uda bilib. Çox şey püşkatmadan asılı olacaq".
