Ramin Musayev və Qiorqi Nikolova açiq məktub

Ramin Musayevə

 

"İnter" Professional İdman Klubunun Prezidentinə

Qeorqi Nikolova

 

Hörmətli cənablar!

 

Bu gün iyulun 22-i Azərbaycanda Milli mətbuat günü qeyd edilir. Bu yaxınlarda siz, hörmətli cənab Musayev, bizi bu münasibətlə təbrik etdiz və biz buna görə sizə çox minnətdarıq. Öz hədiyyəsini sizin klubunuz da, cənab Nikolov, "Lex" komandası ilə oyunda bizə demək olar ki bağışladı.

 

Bu gün bizim hamımızın 135 ilimiz tamam olur və bu gün biz çox xoşa gəlməz bir səbəbə görə sizi narahat etməliyik.

 

İcazənizlə, əsas məsələyə keçək. İyulun 20-i "İnter" PİK-nın baş məşqçisi Kaxaber Tsaxadadze bizim portalımızın əməkdaşının – konkret desək, Ruslan Mikayıllının ünvanına kobud və əxlaqsız sözlər işlətdi. Hadisə komandanın Çempionlar Liqasının 2-ci təsnifat mərhələsi çərçivəsində keçiriləcək Polşanın "Lex" klubuna qarşı cavab oyununa uçuşdan əvvəl "Heydər Əliyev" hava limanında baş verdi.

 

Tsxadadze bizim saytımızda olan bəzi məqalələrlə bağlıöz narazılığını kobud şəkildə bildirdi. Gürcü mütəxəssis hələ futbolçu karyerasında çıxış etdiyi İsveç, Almaniya, İngiltərə və Rusiyada mətbuatnan bu cür danışmağa özünə ixtiyar vermirdi, lakin deyəsən indi o, Azərbaycanın KİV nümayəndələrindən heyfini çıxmaq istədi.

 

Əvvəlcə Tsxadadze əlini bizim müxbirimizə uztmadı, sonra isə bildirdi ki, bizim saytımızın bütün işçiləri, mədəni sözlə desək, nəcislərlə qidalanırlar. Həmçinin, onun sözlərinə görə, biz ürəyimizə gələn hər şeyi yazırlar. Deyəsən, cənab Tsxadadzenin yadından çıxıb ki, şəxsi fikir bildirmək hüququ (əgər bu fikir ölkəyə zərər yetirmirsə) cənab Prezidentimizin başçılığı altında qurduğumuz demokratik cəmiyyətin təməlidi.

 

Açığı deyək ki, müxbirlərimizə qarşı məşqçilərin belə davranışıyla biz ilk dəfədi rast gəlirik. Bizdə mübahisə və münaqışələr əvvəllər də olub, lakin onlar bu dərəcəyə kimi çatmırıdılar. Buna görə də, biz hesab edirik ki, Tsxadadze bizim müxbir qarşısındaüzr istəməlidi (ən azı təhqir etdiyi insanların iştirakıyla), çünki biz onun bu hərəkətini saytımızın BÜTÜN işçilərinin şərəf və ləyaqətinin təhqiri kimi qiymətləndiririk, onun bu cür davranışı isə "İnter" PİK-nın illərlə qurulan imicini ləkələndirir.

 

Hörmətlə,

 

Azerisport.az saytının redaksiya heyəti