24 iyul 2010 13:27
Matsey Juravski: Qarabağ`la oyun asan olmayacaq
Krakovun "Wisla" klubunun lideri və Polşanın ən yaxşı futbolçularından biri Matsey Juravski özü və qarşıda gələn Avropa Liqasının 3-cü təsnifat mərhələsindəki rəqibi Azərbaycanın "Qarabağ" komandası haqqında öz fikirlərini bildirdi.
"Mən "Wisla"-ya kömək etmək üçün qayıtmışam və hər oyunda var gücümlə oynayacam. Əlbətdə, hər görüşdə 5:0 hesabı ilə qələbə qazanmaq pis olmazdı, ancaq biz başa düşürük ki, bu mümkün deyil", - Juravski "Şaulyay"-ın üzərində 5:0 hesablı qələbəsindən sonra yerli qəzetə bildirmişdi.
Futbolçu "Wisla"-ya qayıdandan sonra öz ilk oyunu haqqında danışdı. Həmin görüşdə qol vurdu və iki məhsuldar ötürmə etdi:"Bu heç də pis deyil idi. İlk növbədə mən şadam ki, biz böyük hesablı qələbə qazandıq. Həmçinin, Avropada zəif komanda yoxdu. Beş topu mübarizə sayəsində vura bildik, lakin bununla kifayətlənməməliyik. Hesab edirəm ki, bizim ən yaxşı oyunlarımız hələ də irəlidədi. Növbəti görüşdə bundan da yaxşı oyansaq, qələbə, əlbətdə, bizim olacaq".
"Azərbaycan təmsilçisinə qarşı deyə bilərəm ki, bizə asan olmayacaq. Artıq dediyim kimi, Avropada zəif komanda qalmayıb. Hər oyuna özümüz maksimal dərəcədə toplamalıyıq. Qarşıda gələn görüşdə biz öz imkanlarımızı tam göstərməliyik. Əks halda, rəqibimiz bizi cəzalandıra bilər", - Juravski bildirdi.
