24 iyul 2010 00:39
Rəşad Sadiqov: Məqsədimiz Avropa Liqasının qrup mərhələsidi
Azərbaycanın "Qarabağ" futbol klubunun yarımmüdafiəçisi Rəşad Sadiqov azerisport.az saytına Avropa Liqasının 2-ci təsnfat mərhələsində Şimali İrlandiyanın "Portadaun" komandası üzərində qələbədən və qarşıda gələn Polşa klubu ilə oyunlar haqqında öz fikirlərini bildirdi.
"Bilirdik ki, bizə çətin olacaq. Baxmayaraq ki, çoxları hesab edirdilər ki, "Portadaun"-la cavab oyunu asan olacaq. Lakin, bu Britanya məktəbidi. Onların qolları isə çox sadə alındı. Bu qol bizi "sındırmadı", əksinə, irəliyə daha da böyük qüvvə ilə atıldıq. Bizim cəhdlərimiz öz nəticəsini verdi və biz növbəti mərhələyə keçdik", - futbolçu dedi.
Sadiqovun sözlərinə görə, onlar Polşanın "Visla" klubunu keçməlidirlər: "Əbətdə, "Visla" çox çətin rəqibdi. Biz bunu yaxşı anlayırıq. Sirr deyil ki, Polşa futbolu bizim futbolumuzdan güclüdü. Onlar atletik futbola üstünlük verirlər. Polşa komandaları bizim üçün həmişə çətin rəqib olublar. Lakin bu dəfə biz onları keçməliyik. Bizim məqsədimiz – Avropa Liqasının qrup mərhələsidi. "Visla" isə bu məqsədimizin qarşısında durub".
