25 iyul 2010 00:26
İqor Mitreski: Neftçi`də yaxşı atmosfer hökm sürür
Azerisport.az Azərbaycanın "Neftçi" futbol klubunun rəsmi saytına istinadən xəbər verir ki, komandanın makedoniyalı müdafiəçisi İqor Mitreski Türkiyənin Bolu şəhərində keçirilən təlim-məşq toplanışının gedişatı və qarşıya qoyulan məqsəd barədə fikirlərini açıqlayıb.
"Neftçi"-nin düşərgəsində yer aldığım qısa müddət ərzində yaxşı hazırlığın şahidi olduğumu deyə bilərəm. Həm topla çalışmalar, həm də fiziki məşqlər çox maraqlı keçir. Bu komandada yaxşı atmosfer hökm sürür. Təxminən 10 gündür bu kollektivlə birgəyəm. Demək olar ki, uyğunlaşma prosesi arxada qalıb. Daha bir neçə gündən sonra tam uyğunlaşacağam. Bizim komandamızın bünövrəsi, kökü var. Artıq burada bir yoxlama matçına çıxıb, "Orduspor"a 4:0 hesabı ilə qalib gəlmişik. Əsas odur ki, qələbə qazanmışıq. Baxımlı oyun göstərdimvə ya göstərmədin fərqi yoxdur, istənilən halda, nəticə üçün mübarizə aparırıq. Çempion olmaqdan ötrü bir sıra amillər tələb olunur. Bunun üçün öz üzərimizdə çalışmalı, komanda oyunu göstərməli, səhvləri düzəltməli və heç vaxt ruhdan düşməməliyik", - Mitreski bildirdi.
