26 iyul 2010 13:44
Dmitriy Kramarenko: Mirça Rednik çox yaxşı məşqçidi
Azərbaycan millisinin keçmiş qapıçısı Dmitriy Kramarenko "Xəzər-Lənkəran" klubundan getməsi, yeni məşqçisi və öz gələcəyi haqqında azerisport.az saytına öz fikirlərini bildirdi.
"Adətən, kluba yeni baş məşqçi gələndə, o komandanın heyəti və oyun üslubunu dəyişməyə sevir. Bu futbolda normal bir haldı. XL-in yeni baş məşqçisi Mirça Rednik hesab etdi ki, mən ona lazım deyil. Amma mənim klubla qüvvədə olan üqaviləm var. İndi bu məsələni həll edirik", - Kramarenko bildirdi.
Onun sözlərinə görə, yeni baş məşqçi Rednik çox yaxşı insan və məşqçidi: "Mən inanıram ki, o komandanın səviyyəsini qaldıracaq. Əlbətdə, komandanın heyəti güclənəcək. Məşqçi mənimlə razı qaldı. Sadəcə olaraq, mən üçüncü planda qalmaq istəmirəm. Bildiyimə görə, klub yeni latviyalı qapıçını aldı. Mənə bildiriblər ki, o Latviya çempionu olmuşdu".
Öz gələcəyi haqqında danışan Kramarenko bildirdi ki, hal hazırda ona bir təklif gəlib: "Bu paytaxt komandasıdı. Lakin, əvvəlcədən XL-in rəhbərliyi ilə danışmaq lazımdı. Onlar müəyyən edəcəklər ki, mənimlə həmişəlik vidalaşacaqlar yoxsa icarəyə verəcəklər. Həmçinin, Rusiyadan da bir təklif gəlib. Ancaq bu qapıçıların məşqçiliyi ilə bağlıdı".
