28 iyul 2010 13:43
Junior Dias: Qarabağ`ı asan rəqib saymırıq
Polşanın "Wisla" komandasının müdafiəçisi Junior Dias Avropa Liqasının 3-cü təsnifat mərhələsi çərçivəsində Azərbaycanın "Qarabağ" klubu ilə ilk oyundan əvvəl azerisport.az saytına öz fikirlərini bildirdi.
"Əgər biz ilk oyunda məğlub olsaq bu çox dəhşətli nəticə olacaq. Amma biz bu hqda düşünmək istəmirik. Biz Avropa Liqasının qrup mərhələsinə vəsiqə qazanmaq istəyrik. Və bunun üçün şansımız da var", - Dias bildirdi.
Onun sözlərinə görə, onlar "Qarabağ"-ı asan rəqib saymırlar: "Biz "Qarabağ"-ın bir neçə oyunlarına baxdıq. Deyə bilərik ki, rəqibimizi kifayət qədər tanıdıq. Onlar asan rəqib deyillər. Xüsusən də, azərbaycanlılar yaxşı hücum təçkil edə bilirlər. Buna görə də, komandamızın müdafiəçiləri əlindən gələni etməlidilər ki, rəqib hücum edə bilməsin".
