30 iyul 2010 01:31
On bir igid və bir qəhrəman
Siz bunu təssəvvür edə bilərdinizmi? Nəhayət ki, Azərbaycanda elə komanda peyda oldu ki, Avropada hər üç qonaq oyununda qələbə qazanıb! Nəhayət ki, biz bu günü də gördük! Azərbaycanın on bir igidi ("Qarabağ" klubu) və bir qəhrəmanı (Qurban Qurbanov) Avropa Liqasının 3-cü təsnifat mərhələsi çərçivəsində Polşanın "Wisla" komandası ilə keçirilən ilk görüşdə qonaq meydançasında 0:1 hesablı qələbə əldə etdi. Qələbə – bu necədə şirin sözdü...
Açəğə deyək, heç kəs inanmırdı ki, bizim komandamız Polşada ikinci qələbəsini əldə edəcək. Əvvəl, "İnter" "Lex"`ı məğlub etdi, indi isə "Qarabağ" "Wisla"-nı.Əlbətdə, pley-off mərhələsinə kimi hələ bir oyun qalıb. Lakin indi bu haqda heç kim düşünmür. Qurban Qurbanov və onun oyunçularını istisna etməklə. Mən əminəm k, bu qələbə oyunçuları eyforiyaya salmayacaq. Ancaq biz, sadə azərkeşlər, buna sevinməməyə bilmərik!
Ümumiyyətlə oyun haqqında nə demək olar. Ümumi şəkildə komandalar bərabər oyun göstərdilər. Düzdü, hər iki hissələrin əvvəllərində Polşa təmsilçisi daha təhlükəli görünürdü. Amma bu "Qarabağ"`a qələbə topunu və ardınca 4-5 təhlükəli vəziyyət yaramağa mane ola bilmədi.
Oyunçulara afərin! Hər biri özünü yaxşı tərəfdən göstərdi. Müdafiə yaxşı oynadı, bir-iki məqamda Rəşad Sadıqov səhv buraxdı, lakin bu səhvlər daha çox meydançanın sürüşgən olması səbəbindən baş verdilər. Nəhayət ki, Samir Abbasov və Vüqar Nadirov öz sözlərini də dedilər. Birincisi müdafiədə çox və çox yaxşı təsir bağışladı. İkincisi isə, meydançaya daxil olandan bir neçə saniyə sonra komandanın yeganə və qələbə topunu vurdu.
Görüşün sonlarında isə bütün futbol içtimayyətimiz Fərhad Vəliyevi qucağlıyıb öpmək istəyidi – mən buna əminəm! Çünki bir neçə saniyə əvvəl Fərhad rəqibin penalti zərbəsini dəf edərək "Qarabağ"-a Polşanı qələbə ilə tərk etməyə kömək etdi.
Nə əlavə etmək olar... İndi emosiyalar imkan vermirlər ki, beyinə sevinmək istəyindən başqa bir şey gəlsin. Ən azı bir həftə sevinə bilərik! Və ümid edək ki, gələn həftə biz qələbəyə görə yox, pley-off mərhələsinə çıxdığımıza görə sevinəcəyik!
