31 iyul 2010 16:40
Zaur Ramazanov: Gələcəyim aydın deyil
Azərbaycanın "Xəzər-Lənkəran" klubunun hücumçusu Zaur Ramazanov azerisport.az saytına bildirdi ki, onu komandadan kənarlaşdırılması barədə məlumat anlaşmazlıqdı.
"Mən özüm də bilmirəm, nəyə görə XL-in yeni baş məşqçisi Mirça Rednik məni komandada görmək istəmir. Mənə elə gəlir ki, bu sadəcə olaraq bir anlaşmazlıqdı. Yoldaşlıq oyununda qol vurdum, var gücümlə oynadım. Birdən birə demək ki, "Ramazanov mənə lazım deyil" düzgün deyil. Amma hələ ki mənim gələcəyim aydın deyil", - Ramazanov bildirdi.
Onun sözlərinə görə, o yaxşı formadadı və nəyə qadir olduğunu hamı gördü: "Bundan sonra nə edəcəyimi Mais Mansimovla göüşdən sonra qərar verəcəyəm. Hər halda klubsuz qalmayacam. Lakin XL-də mən karyeramın böyek hissəsini keçirmişəm və məhz burada da onu bitirmək istəyirəm"
