1 avqust 2010 00:34
Wisla`nın prezidenti: Qarabağ`ı 3:1 və ya 4:2 hesabı ilə udmalıydıq
Azerisport.az xəbər verir ki, Krakovun "Wisla" klubunun prezidenti Boqdan Basalay Polşanın Sports.pl saytına verdiyi açırlamada Avropa Liqasının 3-cü təsnifar mərhələsi çərçivəsində Azərbaycanın "Qarabağ" komandasın 0:1 hesablı məğlubiyyətə toxundu.
"Biz çox pis oynadıq. Xüsusən də, hücumda. Bilmirdik, necə hücum edək. Lakin irəlidə hələ də cavab qarşılaşması var. Hücumda pis oynadıq, müdafiədə isə lider yox idi buna görə də məğlub olduq. Biz "Qarabağ"-ı 3:1 və ya 4:2 hesabı ilə udmalıydıq", - Basalay bildirdi.
Onun sözlərinə görə, müdafiə xəttində problemlər olduğuna vurğuladı: "Əminəm ki, bizim gənc dayaq yarımmüdafiəçilərimiz Kleber və Çavesin yanında inkişaf edəcəklər. Təəssüflər olsun ki, biz Çavesi azərbaycanlılarla oyun ərizəsinə daxil edə bilmədik, Kleber isə zədə üzündən bu görüşü buraxmalı oldu".
Həmçinin, Polşa klubunun prezidenti bu məğlubiyyəti biabırçı adlandırdı: "Buna biabırçı məğlubiyyət demək olar. Başa düşürəm ki, bu bayağı görsənə bilər, lakin zəif komandaların səviyyəsi birdən-birə artıb. Azərbaycandan danışanda biz ötən illəri yada salırıq. İndi belə düşünmək isə səhvdi. "Qarabağ"-a böyük hörmətim var, lakin bu komanda "Manchester United" deyil".
Basalay əlavə etdi ki, "Wisla" Bakıya qələbə dalınca gəlir: "Oyunçularım bildiriblər ki, oraya qələbə dalınca gedirlər. Mən də onların uğur əldə edəcəylərinə inanıram".
