Mpenza Neftçi ilə danışığlara başlayıb

Belqiyalı futbolçu Emil Mpenza artıq Bakıdadı. Azerisport.az Belgiya mətbuatına istinadən xəbər verir ki, 32-yaşlı hücumçu Jenevrədən İstanbula yollanıb və orada öz agenti ilə görüşdü. Onunla birlikdə futbolçu dünən gecə Azərbaycanın paytaxtına yollanıb.

 

Belgiya mətbuatına inansaq, Mpenza tibbi müayyinədən artıq keçib və müqaviləni ertəsi gün imzalayacaq. Gözlənilir ki, müqavilə üçillik olacaq. Transferin məbləği açıqlanmır. "Sizə dəqiq məbləği deyə bilmərəm. Bir şeyi deyə bilərəm ki, bu "Neftçi" üçün inanılmaz bir məbləğdi. Bu komanda Azərbaycan futbolunun "Real"-ıdı. Misal üçün, İsveçrədə ildə 6 milyon frank (4,5 milyon manatdan artıq) ödəyirlər", - oyunçunun agenti Rəşid Taymut bildirdi.

 

İsveçrənin "Sion" klubunun başçısı Kristian Konstantin bu xəbəri nə təsdiqləmir, nə də ki inkar etmir. Məlumata görə, İveçrə klubu Mpenzaya görə 600 min manat (800 min frank) alacaq. "Cənab Konstantinə minnətdarlığımı bildirirəm. Çünki o oyunçuya keçid məsələsində heç bir maneçilik yaradmadı. Baxmayaraq ki, cəmi bir neçə gün öncə onun gedişinin əleyhinə idi", - Taymut dedi.

 

"Neftçi" ilə əlaqə yaratdıq, lakin klub da bu məsələnı təsdiqləmir, nə də ki inkar etmir. Bir şey dəqiq məlumdur ki, futbolçunun agenti klubnan danışığlara artıq başlayıb.