Rail Məlikov: Yığma yaxşı oyun göstərəcək

Azerisport.az xəbər verir ki, Azərbaycan millisini müdafiəçisi Rail Məlikov yığmanın təlim-məşq toplanışı haqqında danışdı. "Küveyt yığması ilə oyunöncəsi bu cür toplanışın keçirilməsi bizə lazım idi. Çünki son iki ay müddətini hər kəs öz klubunda keçirib. İndi yığmanın düşərgəsindəyik. Uşaqlar bir-birinə öyrəşir. Oyun doğma meydanda keçirilir. Ciddi hazırlaşırq. Yeganə məqsədimiz qələbə qazanmaq və azarkeşlərimizi sevindirməkdir. Rəsmi oyunlara gəldikdə, ən əsası odur ki, yığma yaxşı oyun göstərəcək. 7 ballıq şkala ilə ölçsək, komandamız 5-ə layiq görüləcək. Bunu tam səmimi deyirəm. Uşaqlara inanırıq", - Məlikov dedi.

 

Həmçinin futbolçu Avro-2012-nin seçmə mərhələsndə millimizin qrupdakı rəqibləri haqqında da öz fikirlərini bildirdi: "Əksəriyyəti tanış komandalardır. Almaniya ilə son qrup mərhələsində qarşılaşmışıq. Digər yığmalarla da müxtəlif illərdə üz-üzə gəlmişik. Rəqiblərimizi tanımağımızın bizə faydası olacaq. Almaniya ilə oyuna gəldikdə, əvvəlcədən fikir bildirmək mümkün deyil. Bu oyundur, hər şey yaşıl meydanda həll olunur", - millinin müdafiəçisi bildirdi.

 

Mənbə: AFFA-nın rəsmi saytı