Qarabağ!!! Qarabağ!!! Qarabağ!!!

"Qarabağ"-ımız bizi yenə də sevindirir. Komandamız öz meydançasında məğlub olmamaq ənənəsini davam etdirdi, Polşa təmsilçisi üzərində hər iki oyunda qələbə qazandı, tariximizdə ilk dəfə üç mərhələ adlayaraq pley-off raunduna keçdi! Bundan artıq nə lazımdı... Əlbətdə ki, qrup mərhələsi... Amma bu indinin söhbəti deyil.

 

Düzdü, etiraf etmək lazımdı ki, oyunda təmamiylə fərqli iki hissə gördük. Baxmayaraq ki, birinci hissədə polşalılar daha aktiv başladılar, komandamız təşəbbüsü əlinə (ayağına) keçirə bildi. Möcüzəli 7 dəqiqə ərzində üç qol vuraraq "Wisla"-nı əsl nokauta göndərdi! Polşalılar ilk hissənin sonuna kimi özlərinə gələ bilmirdi.

 

İkinci hissədə isə "Qarabağ" daha çox müdafiə haqqında fikirləşirdi. Və bir tərəfdən bu düzgün addım idi. Çünki unutmaq lazım deyil ki, əgər bir komanda bu vaxt ərzində üç top vurubsa, bu demək deyil ki, digəri bunu təkrarlaya bilməz. Axı bu futboldu.

 

Polşalılar ikinci hissəni də ilk 45 dəqiqədəki olduğu kimi başladılar. Hissənin əvvəlində Boquski cərimə meydançasında tənha qalaraq topu başı ilə tora göndərə bilərdi, amma bəxtimiz gətirdi. Lakin 56-cı dəqiqədə Kasperçakın ikinci hissədə meydançaya buraxdığı Pavel Brojek nəhayət ki "Wisla"-nın qol vurmaq arzusuna çatdı. Ancaq buna baxmayaraq, polşalılarda, nəinki sevinc, heç olmasa bir az da ümid işığı yox idi. Hətta ikinci topu vurandan sonra da, onlar anlayırdılar ki, növbəti mərhələyə məhz "Qarabağ" çıxacaq. Və belə də oldu... Düzdü, ikinci hissədə müdafiədə çox kobud səhvlərdə oldu... Əsasən də Rəşad Sadıqovun tərəfindən. Əlbətdə, dünyada səhvsiz insan yoxdu və Sadıqovda istisna deyil. Axı haçansa bu oyunçu səhv buraxmalıydı. Arzu edək ki, bütün buraxılan səhvlər elə bu oyunda qalsın. Sadıqova və ümumiyyətlə bütün "Qarabağ"-a biz inanırıq! Və onları sevirik! Sadəcə bir məqam təəssüfləndirir... Biz istərdik ki, bu qələbə məhz Ağdamda əldə olunsun! Doğma Qarabağımızda!