Vinfrid Şefer: Təcrübə Borussia`nın tərəfindədi

Siz ağdamlıların Polşalılara qarşı oyununa stadiondan seyr edirdiniz. Bu haqda nə deyə bilərsiz?

"Qarabağ" yaxşı oynadı. Onlar üç topu 7 dəqiqə ərzində vuraraq oyunun nəticəsini həll etdilər. Əgər pley-offa çıxmaq istəyirsənsə məhz belə oynamaq lazımdı. Həmiçinin tribunaların dəstəyi də mənim xoşuma gəldi. Sizin azərkeşləriniz futbolu sevir və bu görüşdə bunu sbut etdilər.

 

İndi isə Bakıya "Borussia" gələcək.

Düşünürəm ki, Almaniya çempionatı ilə maraqlanan hər bir azərkeş bu komanda barəsində xəbərdardı. Birmənalı deyə bilərəm ki, "Qarabağ"-a çox çətin olacaq. Lakin hələ heçnə itirilməyib. Çox şey Almaniyadaki oyundan asılı olacaq. Bu rəqiblərin ilk görüşü olacaq buna görə də onlar bir-birlərini öyrənmək istəyəcəklər.

Komandamızın şansı varmı?

Şans həmişə var. Çox şey "Qarabağ"-ın "Borussia"-ya qarşı hazırlığından asılı olacaq. "Wisla" ilə oyuna əla hazırlaşmışdırlar. Lakin polşalıları almanlarla müqayisə etmək düzgün olmazdı. Bu komandalar tam fərqli səviyyədədirlər. Lakin, futbolda hər şey mümkündü. Buna görə də hesab edirəm ki, aşkar favoritin adını çekmək çətindi. Amma təcrübə "Borussia"-nın tərəfindədi.

 

Gəlin "Bakı" haqqında danışaq. Avropa Liqasından sonra komanda özünə gələ bildimi?

Çətin idi, lakin toplaşa bildik. "Qarabağ" – "Wisla" oyunu günü mən fikirləşirdim ki, indi bu zaman biz "Brondby" ilə qarşılaşmalıyıq. Danimarka klubuna qarşı yaxşı oyun göstərə biləcəydik. Komandama inanırdım.

 

Baş verən hadisə barəsində hələ də heyfislənirsiz?
Nə edək? Mənim rəhbərliyə heyfim gəldi. Çünki rəhbərlik komanda üçün xeyli iş gördü. Amma inanıram ki, klubun prezidenti Hafiz Məmmədov komandaya dəstək verməyə davam etdirəcək. Bu insan ilk oyunun nəticəsinin ləğvinə baxmayaraq bizi cavab görüşündə dəstəklədi. Biz ona borcluyuq. Bizim əla heyətimiz var və yeni mövsümdə əlimizdən gələni edəcəyik.

Rafael Əmirbəyov və Elbin Əliyevdən niyə imtina etdiniz?

Bu futbolçulara hörmətim var. Onlar güclü oyunçulardı. Lakin mənim komandama çoxlu oyunçular gəlib. Deməli, kimsə onu tərk etməli idi. Misal üçün, Əmirbəyov da digər klubda kiminsə yerini tutacaq. Mən istəmirdim ki, onlar ehtiyatda qalsınlar. Ən yaxşısı odur ki, digər komandada çıxış etsinlər.

Julio Sezarın transferi hansı mərhələdədi?

Bu barədə biz prezidentlə söhbət etmişik. Danışığlar davem edir. Bu yaxınlarda hər şey həll olunacaq.

 

İlk turun oyununda nə deyə bilərsiniz? Rəqib AZAL komandası olacaq.

İlk oyun bizim üçün vacibdi. Birincisi, azərkeşlərimiz naminə qələbə qazanmaq istəyirik. İkincisi, komanda qarşısında böyük məqsədlər qoyub, buna görə də hər oyunda qələbə qazanmaq lazımdı. Əldə etdiyim məlumata görə, AZAL-ın heyətində yaxşı futbolçular var. Bu da o deməkdir ki, asan qələbə alınmayacaq. Debüt həmişə çətin olur. Mən istəyirəm ki, azərkeşlər bizi avrokuboklarda olduğu kimi dəstəkləsinlər. Bir yerdə biz rəqibi məğlub edə bilərik.