Sadıq SADIQOV: Minimal məqsədimiz – Avropa Liqasına düşmək

"Neftçi" yeni mövsümü "Qarabağ"-la heç-heçə ilə başladı. Ölkə çempionatının ilk turun oyunu hansı təəssürat bağışladı?

"Neftçi" heç də pis oynamadı. Bu mövsümün ilk oyunu idi. Buna görə də hesab edirəm ki, bir oyunun nəticəsinə görə qiymət vermək lazım deyil. Unudmayın ki, rəqib "Qarabağ" idi – ölkənin ən güclü klublarından biri. Onlar avrokuboklarda çox uğurlu çıxış edirlər, bu da bizi çox sevindirir.

 

Oyuna çox az azərkeş gəlmişdi. Bu sizi təəcübləndirdi?

Bu istiqamətdə iş aparılır. Siz özünüz görəcəysiz ki, oyunlar zamanı tribunalarda 7-8 min azərkeş yığışacaq. Şəxsən mən ümid edirəm ki, oyunlarada bu sayda azərkeş gələcək.

 

Məhz buna görə komanda "İsmət Qaibov"-a qayıtmaq istəmir?

Bəli. Biz stadionlara bütün azərkeşlərimizi cəlb etməyə istəyirik, buna görə də Tofik Bəhramov adına stadionu seçmişik.

 

Siz yeni futbolçuların oyunundan razı qaldınız?

Mən şəxsən "Neftçi"-nin transfer siyasəti ilə məşğul olmuşam, bütün yeni oyunçuları izləmişəm. Hesab edirəm ki, onlar komandamızda oynamaq layiqdi. Misal üçün, Mpenza ilə danışığları biz bir neçə ay aparmışıq. O yaxşı futbolçudu, özünə ad qazanıb.

 

Lakin çoxları düçünür ki, bu reklamdı.

Kimə o lazımdı – Mpenza ya da ki "Neftçi"-yə? Məncə, heç kimə.

 

Mpenza ilk oyunda hansı təsi bağışladı?

O hələ öz səviyyəsini nümayiş etdirəcək. Belçikalı futbolçuya və ümumiyyətlə bütün yeni gələn oyunçulara böyük ümidlər bağlayırıq. Bu mövsümdə minimal məqsədimiz Avropa Liqasına düşməkdi. Və oyunçular bunu bilir.