12 avqust 2010 13:03
Stiven Cerrard: O azərkeşlər üçün əfsanədi
İngiltərənin yığması və "Liverpool" komandasının yarımmüdafiəçisi Stiven Cerrard millinin baş məşqçi Fabio Kapellonun sözlərinə öz fikirlərini bildirdi. Azerisport.az xəbər verir ki, italiyalı mütəxəssis bildirdi ki, Devid Bekhemin yığmada gələcəyi yoxdu.
"Devid yığmanı alını açıq tərk edə bilər, çünki o milli komanda üçün çox iş görüb. Əminəm ki, azərkeşlər Bekhemi yaddaşlarında əfsanə kimi saxlayacaqlar. Bekhem heyran doğurucu oyunlar keçirirdi, ağlasığmaz qollar vururdu. Həmçinin, Bekhem çox gözəl kapitan idi. Onunla birgə oynayaraq ondan çox şey öyrəndim. Əgər o doğrudanda millidə öz sonuncu oyununu keçiribsə, onda deyə bilərəm ki, bu futbolçu bizə çatışmayacaq: həm meydançada, həm də onun kənarında", - Cerrard dedi.
Futbolçunun sözlərinə görə, o əmindi ki, əgər Devid bu sözləri eşitsə, onda əlindən gələnini edəcək ki, əksini sübut etsin: "O milliyə qayıtmağa çalışacaq. Çünki Bekhem onu sevir", - Cerrard bildirdi.
Mənbə: FİFA
