13 avqust 2010 13:51
Vaqif Cavadov Qarabağ`a qayıdır
Azərbaycan millisinin və Hollandiyanın "Twente" klubunun hücumçusu Vaqif Cavadov karyerasını Ağdamın "Qarabağ" komandasında davam etdirəcək. Azerisport.az xəbər verir ki, 21-yaşlı futbolçu 7 ay öncə tərk etdiyi ağdamlıların heyətinə qayıdacaq.
Lakin, bu keçidin baş verməsi üçün "Twente" oyunçu ilə müqaviləsini pozmalıdı. Qeyd edək ki, müqavilə əsasən futbolçu hələ də 3 il "tukkers"-in oyunçusu sayılacaq. Bununla bağlı "Qarabağ"-ın baş meneceri Emrah Çelikel artıq "Twente" ilə müzakirələrə başlayıb.
Xatırladaq ki, Vaqif Cavadovla Rusiyanın "Krılya Sovetov" komandası da maraqlanır.
