15 avqust 2010 23:55
Diniyevin komandası heç-heçə edir, Şükürov isə məğlub olur (YENİLƏNDİ)
Bu gün Rusiya çempionatının 17-ci turun qalan oyunları keçirilir. Azeriport.az xəbər verir ki, Azərbaycan yığmasının futbolçusu Mahir Şükürovun çıxış etdiyi "Anjı" klubu ÇSKA-nın qonağı oldu.
Oyun 4:0 hesabı ilə ÇSKA-nın xeyirinə başa çatdı. 13-cü dəqiqədə ÇSKA-nın futbolçusu Olise "Anjı"-nı məyus etdu - 1:0. Vaqner Lav 20-ci dəqiqədə hesabı 2:0 etdi. Toşıç 36-cı dəqiqədə hesabı 3:0 çatdırır. 44-cü dəqiqədə Seyd Olise özünün ikinci, komandasının dördüncü topunu vurur.
Şahin Diniyevin isə klubu – "Terek" – öz meydançasında "Rubin" komandasını qəbul etdi.
Oyun 1:1 hesabı ilə başa çatdı. Hesabı 34-cü dəqiqədə Brakamonte açır - 1:0. 52-ci dəqiqədə Noboa penalti nöqtəsindən hesabı 1:1 edir.
Qeyd edək ki, Rusiyada meşə yanğınlarından olan tüstü Moskvanın bir hissəsini bürüyüb və buna görə də ÇSKA – "Anjı" oyunu təhirə salına bilərdi. Lakin sonradan qərar verilib ki, oyun nəzərdə tutlmuş vaxtda, yəni Bakı vaxtı ilə saat 21:30-da keçiriləcək.
