17 avqust 2010 00:04
XL dünya çempionatında iştirak etmiş futbolçunu izmaladı (FOTO)
Azərbaycanın "Xəzər-Lənkəran" klubu bu gün yeni futbolçu ilə müqavilə imzaladı. Azerisport.az klubun rəsmi saytına istinadən xəbər verir ki, XL Kosta-Rikalı Uinston Antonio Parks Tifet (Uinston Parks) ilə iki illik müqavilə imzalayıb.
Futbolçunun ilk oynadığı komanda doğma Limon şəhərinin "Limonense" klubu olub. O, 1999-cu ildə Nigeriyada, daha sonra Argentinada 20 yaşa çatmayan gənclər arasinda dünya çempionatında öz ölkəsinin milli komandasında çıxış edib. 2000-ci ildə Uinston Parks Avropaya gedərək orada İtaliyanın "Udineze" klubu ilə anlaşıb və 1 ildən artıq bu komandanın şərəfini qoruyub. Daha sonra futbolçu həmin ölkənin “Askoli” klubuna keçib. 2002-2006-cı illəri Parks Rusiyanın “Lokomotiv” klubuna keçib, iki dəfə bu ölkənin çempionluğunu qazanıb və superkubokun qalibi olub. Premyer Liqada 64 matçda 13 qol vuran Parks Rusiyada "Lokomotiv"-dən başqa "Saturn"-un da şərəfini qoruyub. 2006-2007 mövsümünü Uinston Parks Çexiyanın Liberek şəhərinin "Slovan" klubunda çıxış edib, sonra isə doğma ölkəsinə qayıdıb və orada 2007-2008 mövsümündə yerli "Alaxoela" komandasında keçirib. 2008-ci ildən isə o Rumıniyanın "Timişoara" klubunda çıxış edib.
Qeyd etmək lazımdır ki, Uinston Parks Azərbaycana transfer olunan ilk əcnəbi futbolçudur ki ölkəsinin milli yığmasının tərkibində dünya cempionatlarında iştirak edib. Məhz bu futbolçu 2002-ci ildə Yaponiyada və Cənubi Koreyada keçirilən Dünya çempionatında üçüncü yer qazanan Türkiyənin qapısına qol vurub (1:1). Ümumiyyətlə Uinston Parks artıq 10 ildir ki Kosta-Rika milli yığmasının üzvüdür. Son iki həftə bundan öncə bu ölkə millisinin heyyətində o, İsveçrə millisinə top vurmaqla da fərglənmişdir (1-0).
