Nazim Süleymanov: Oyunçularımın səhvi Gəncə`yə bir xal bağışladı

Azərbaycan Premyer-liqasının 3-cü turunun açılış oyununda "Gəncə" AZAL klubu ilə qarşılaşdı. Azerisport.az PFL-in rəsmi saytına istinadən xəbər verir ki, ilk hissədə "Gəncə" hesabı açsa da, ikinci hissədə qonaq komanda hesabdakı tarazlığı bərpa etdi – 1:1.

"Mən bu gün futbolçularımdan narazı qaldım. Oyunçularımın səhvi və yaxşı oynamaması səbəbindən "Gəncə" bir xal qazandı. Hakimlər barədə heç bir söz demək istəmirəm. Mən baş məşqçiyəm, ancaq öz futbolçularım və komandam barəsində danişa bilərəm", - AZAL klubunun baş məşqçisi Nazim Süleymanov bildirdi.

 

"Öz oyunçularıma tapşırmışdım ki, rəqibin səhvlərindən maksimum istifadə etsinlər. Səhvdən istifadə edib hesabı açsaq da, təəssüf ki, sona qədər üstünlüyü qoruyub saxlaya bilmədik. Bu gün Azərbaycanın çox güclü komandalarından biri ilə qarşılaşdıq", -"Gəncə" klubunun çalışdırıcısı Fuad İsmayılov dedi.