Arif Əsədov: Hələ də istədiyimiz oyunu görmürük

Azərbaycanı çempionatının 3-cü turunda "Neftçi" doğma meydanda Zaqatalanın "Simurq" klubunu qəbul etdi. Azerisport.az PFL-in rəsmi saytına istinadən xəbər verir ki, paytaxt təmsilçisinin özbəkistanlı hücumçusu Bahodir Nasimovun het-trik etdiyi oyunda "Neftçi" rəqibini 4:0 hesabı ilə məğlub etdi.

 

"İlk olaraq "Neftçi" klubunu qələbə münasibəti ilə təbrik edirəm və qarşıdakı oyunlarda uğurlar arzulayıram. Bugünkü oyunda hesabın böyük olması üzücüdür. Komandaların səviyyə fərqi özünü göstərdi. "Neftçi"-nin heyəti milli komandalarda çıxış edən təcrübəli futbolçulardan təşkil olunub, bizdə oynayan futbolçuların çoxu isə Premyer-liqada təzə çıxış edir. Futbolçularımız istedadlı, istəkli  olsalar da, təcrübələri yoxdur. "Simurq" komandası bu il iddialılar sırasında olmasa da, Premyer-liqadan düşməyəcək", -"Simurq" klubunun baş məşqçisi Cokiça Hadciyevskibildirdi.

 

"Komandamız iki fərqli hissə oynadı. İlk hissədə 3 top vursaq da, göstərilən oyun məni qane etmədi. Fasilədə futbolçularla danışdıq. İkinci hissədə göstərilən oyundan razı qaldım. Ümumilikdə götürəndə nəticədən razıyam, lakin hələ də istədiyimiz oyunu görmürük. Fərid Quliyev istədiyimiz kimi oynaya bilmədi, ona görə ilk hissədə onu Cavid Hüseynovla əvəzlədik, oyunumuz canlandı", - "Neftçi" klubunun baş məşqçisi Arif Əsədovdedi.