Kəmran Ağayev: Qarabağ bunu bir daha sübut etdi

Azərbaycan yığmasının qapıçısı Kəmran Ağayev millinin toplanışı və Avro-2012-nin seçmə mərhələsində keçiriləcək Almaniyaya qarşı oyun haqqında öz firirləri ilə bölüşdü.

 

"Hazırlıq plana uyğun şəkildə davam edir. Almaniya ilə oyuna ciddi hazırlaşırıq. Hansısa yorğunluqdan söhbət gedə bilməz. Komanda nə qədər çox hazırlıq keçsə, oyunçuların xeyrinədir. Çünki belə olan halda bir-birimizi daha yaxşı başa düşəcəyik. Bütün oyunlara qələbə qazanmaq üçün çıxacağıq. Daha yaxşı nəticələr qazanacağımıza inanıram. Qrupumuzda asan rəqib yoxdur. Həmişə böyük klublara, yığmalara qarşı oynamaq istəmişəm. Belə olan halda öz gücünə bələd olursan. Onlar qələbə qazandıqları kimi, biz də udmaq istəyirik. Şans hər zaman olur. İnanmaq lazımdır. Qələbə qazanan zaman azarkeşlər də stadiona axışırlar. "Qarabağ"bunu bir daha sübut etdi. Gələcəkdə daha yaxşı olacağına inanıram", - azerisport.az AFFA-nın rəsmi saytına istinadən xəbər verir ki, bunu Ağayev dedi.