Ruslan Abışov: Zədəm olsa da, İnter`lə görüşə hazıram

Azərbaycanını futbol üzrə yığmasının müdafiəçisi Ruslan Abışov millinin toplanışı və öz mikrozədəsi haqqında danışdı.

 

"Hər şey normaldır. Var gücümüzlə hazırlaşırıq. Klubumuzdan nə qədər çox futbolçu dəvət edilsə, bizim üçün bir o qədər rahat olar. "Simurq"-la oyunda meydana çıxmamağıma gəldikdə, zədəm olsa da, son ana qədər meydana çıxmağa hazır idim. Ancaq sonradan müayinədən keçdim və həkim bir qədər dincəlməyimi məsləhət gördü. "İnter"-lə görüşə hazıram. Zədəm olsa da, bu qarşılaşmada komandama kömək etmək istəyirəm. Çünki 3 xal bizim üçün vacibdir. Məqsədimiz çempion olmaqdır", - azerisport.az AFFA-nın rəsmi saytına istinadən xəbər verir ki, bunu Abışov bildirdi.