7 sentyabr 2010 00:57
90 dəqiqənin intizarında
Bu gün Azərbaycanın futbol üzrə milli komandası Avro-2012-nin seçmə mərhələsi çərçivəsində öz ilk görüşünü keçirəcək. Azerisport.az xəbər verir ki, millimizin ilk rəqibi DÇ-2010-nun medalçısı Almaniya komandasıdır.
Rəqibimiz barəsində ümumiyyətlə nəsə danışmaq lazımsıdır. Dünyada çətin elə bir futbol azərkeşi tapılar ki, o Almaniya yığması haqqında heçnə bilməsin. Lakin hal hazırda bir məqamı qeyd etmək olar – "alman maşını" o qədər də qorxulu deyil. Əlbətdə, rəqibin böyük tarixi var və əlbətdə, bu əsrdə keçirilən hər bir dünya çempionatının medallarını qazanıb. Lakin indiki Almaniyada bir zəif nöqtə var – sürət. Məhz sürət. DÇ-2010-da keçirilən oyunlara nəzər yetirsək, o zaman görərik ki, rəqibimiz qollarının böyük əksəriyyətini məhz sürətli əks-hücumlardan sonra vurub. Ümumiyyətlə ötən dünya çempionatında gələcək çempion İspaniyadan başqa təkcə Serbiya yeganə komanda oldu ki, almanlara məğlubiyyət yaşdaddı. Və həmçinin öz qapısını toxunulmaz saxladı. Çünki komanda dörd oyunçu ilə müdafiə olunurdu, "laterallar" hücuma keçmirdi və bunun nəticəsində cinahlarda boşluqlar yaranmırdı.
Burada Serbiya və Azərbaycan yığmalarını müqayisə etmirik, sadəcə diqqətinizi ona yönəldmək istəyiriki ki, sürət rəqibimiz həm üstünlüyü, həm də ki, zəif nöqtəsidir. Almanlar yeddi nəfərlə müdafiə olunur və hücuma keçəndə də 7 nəfərlə keçir. Buna görə də əsas söz müdafiəmizindir. Lakin burada bizim problemlərimiz üzə çıxır – vaxtından tez rahatlaşma problemi. Buna heç yol vermək olmaz! Cəmi bir dəfə "yuxulamaq" bəsdir ki, qapımızda qol görək. DÇ-2010-un "seçməsini" yadınıza salın. Baxmayaraq ki, almanlar qonaqda 2:0, evdə 4:0 qalib gəlmişdirlər, futbolçularımız rəqibin "qanını içdi".
İndi isə o təcrübədən istifadə etmək lazımdır. Və artıq müdafiəçilər bir nöqtəyə toplaşmamalıdır, oyunçular hakimlərlə ikinici sarı və ya qırmızı vərəq "uğrunda" danışmamalıdır, hücumçular və ümumiyyətlə hər bir oyunçumuz öz məqsədini yadına salmalıdırlar. Bir məqsəd – qələbə. Bəli, məhz qələbə. Düzdü, bu cür rəqiblə qələbədən danışmaq o qədər də düzgün deyil. Lakin unudmayaq ki, futbol məhz buna görə oynanılır. İrəlidə heçnə yoxdur, ancaq bir oyun var. Cəmi 90 dəqiqə. Sabah bu 90 dəqiqə tək komanda üçün yox, bütün Azərbaycan futboluna biganə olmayanlara da aid olacaq.
