Zeynal MƏMMƏDOV: Qorxuram ki, oyunçular ruhdan düşüb

Sonuncu turda "Bakı" növbəti xallarını itirdi. Həmçinin oyunu 9 futbolçu ilə bitirdi. Onlar cəza alacaqlarmı?

Güman edirəm ki, alacaqlar. Komandanı çətin vəziyyətdə qoymaq olmaz. Ümumiyyətlə oyundan narazı qaldım.

 

Sizcə "Bakı" hansı səbəbə görə "Gəncə" ilə uğursuz oynadı?

Açığı deyim ki, bu cür nəticə gözləmirdim. Axı bizim potensialımız daha yaxşı oynmaqa imkan verir. Başa düşə bilmirəm, bu necə baş verə bilər.

 

Ümumi nəticə də komanda üçün xoş deyil. Dörd oyun – dörd xal.

Komandanı "qara zolağa" düşüb. Bu cür hallar futbolda olur. Lakin bunu tez bir zamanda aradan qaldırmaq lazımdır.

 

Ola bilsin ki, futbolçular hələ də Avropa Liqasından acı məğlubiyyətlə barışa bilməyib?

Bu da ola bilər. Qorxuram ki, uşağlar ruhdan düşüb. Psixoloji cəhətdən futbolçular heç də yaxşı vəziyyətdə deyil. Ola bilsin ki, stress də var. Lakin bu uzun müddət çekə bilməz. Digər tərəfdən, Premyer-liqada fasilə və təxirə salınmalar da oyunmuz təsir edir.

 

Maraqlıdır ki, ötən mövsümü də "Bakı" çempionatı bu cür başlayaraq, ilk turlarda xal itirirdi.

O vaxt komanda pley-off mərhələsində dəyandı. Hər kəs də həyacan qalmışdır. Bu ildə isə "Buducnost" komandasında hər iki oyunda qalib gəldik, lakin kağız səhvi mübarizəni davam etdirməyə imkan vermədi. Mən şəxsən bunları əlaqələndirmirəm. Bunlar ayrı-ayrı vəziyyətlərdir.

 

Gərgin günləri keçmək üçün hansı tədbirlər görüləcək?

Məşqçi komandanı bir yerə yığaraq, lazım olan sözləri deyəcək. Düşünürəm ki, hər şey düzələcək.

 

Rəhbərlik Vinfrid Şeferin işindən narazı deyil?

Xeyr. O, çalışdırıcıdır. Meydançaya isə futbolçular çıxır. Problem də elə onlardadır.