14 sentyabr 2010 17:09
Ceyhun Sultanov: Fiziki cəhətdən çatışmazlığım var
Azərbaycanın "Gəncə" klubunun hücumçusu Ceyhun Soltanov komandası və özü haqqında fikirlərlə bölüşdü.
"Günü gündən oyunumuz yaxşılaşır. Yavaş-yavaş özümüzə gəlirik. İnşallah gələn oyunlarda bundan da yaxşı çıxış edəcəyik. Ola bilər bu tilsimdir, oyunumuz alınmır. Amma qismət Allahdandır", - Sultanov deyib.
Komanda yoldaşlarının canla-başla mübarizə apardığını deyən gənc hücumçu irəlidəki matçlarda uğur qazanmaq istədiklərini bildirib: "Junivan Suaresin övladı dünyaya gəlib. Mən belə fikirləşirəm sonuncu oyunda hamıdan yaxşı o çıxış etdi. Amma bütün komanda yoldaşlarım gözəl oyun göstərdilər. Hər kəsə öz təşəkkürü bildirirəm. Xüsusilə də Gəncədən bizi dəstəkləməyə gələn azarkeşlərimizə minnətdaram. Mənə gəldikdə isə hələlik tam hazır deyiləm.Fiziki cəhətdən çatışmazlıq var. Həmçinin bir az axsayıram. İnşallah qarşıdakı oyunlarda bu problemi aradan qaldırıb yüksək səviyyədə çıxış edəcəyəm"
Mənbə: "Gəncə"-nin saytı
