15 sentyabr 2010 15:32
"Türklər sadə futbol oynaya bilmir"
Türkiyənin "Bursaspor" klubunun baş məşqçisi Ertuğrul Sağlam etiraf etdi ki, onun komandası Çempionlar Liqasındaki ilk rəqibi olan İspnayanın "Valencia" klubu qarşsında aciz idi. Azerisport.az xəbər verir ki, gənc mütəxəssisin sözlərinə görə, onun komandası bu oyundan lazım olan nəticələri çıxardacaq.
"Rəqibimiz çox güclü bir komanda idi. Bu cür komandalara oyunda biz daha çox hərəkət etməli və ürəklə oynamalıyıq. Lakin ilk hissədə buraxılan qollar komandanı demək olar ki ruhdan saldı. Debütumuz uğurlu alınmadı. Ancaq buna baxmayaraq, irəlidə hələ də beş oyun var. Bu oyun gələcək qarşılşmalar üçün çox qiymətl dərs oldu. Və həmçinin görüş göstərdi ki, buz bu cür mötəbər turnirdə çıxış etməyə hələ ki hazır deyilik. Həmçinin, özümün və futbolçularımın adından azərkeşlərdən üzr istəyirik. "Valencia" ilə oyunda biz xeyli lazımsız olan səhvlər buraxdıq. Ola bilsin ki, Türkiyə çempionatında bu cür səhvləri düzəltmək olar. Lakin bu Çempionlar Liqasıdı. Bu turnirdə hətta düzgün atılmayan aut da rəqib tərəfindən bağışlanmır. Təəssüflər olsun ki, biz sadə futbol oynaya bilmirik. Bu Türkiyə futbolunun ən böyük problemlərindən biridir", - Sağlam bildirdi.
