Vaqif Cavadov: Məni məhkəməyə vermək istəyirsə versin

Azərbaycan yığmasının hücumçusu Vaqif Cavadov Almaniya millisinin müdafiəçisi Per Mertezakerlə bağlı insident barəsində azerisport.az saytına öz fikirlərini bildirdi. "Əgər o məni məhkəməyə vermək istəyirsə, qoy versin. Amma bu düzgün deyil. Birincisi, bunu qəsdən etmədim. Oyun məqamı idi və özüm də bilmədim ki, necə alındı. İkincisi, orada hakim var idi, o hər şeyi görürdü. Mertezakerə tez bir zamanda sağalmağını arzu edirəm ki, yaşıl meydançaya qayıtsın", - Cavadov dedi.