Totti: Baş məşqçimiz Roma`ya hücum etməyə imkan vermir

İtaliyanın "Roma" klubunun baş məşqçisi Klaudio Ranyeri komandanın kapitanı Françesko Totti ilə aralarında olan münaqişəni həll etmək üçün tet-a-tet görüşdü. Azerisport.az xəbər verir ki, Çempionlar Liqasının 1-ci turu çərçivəsində "Bayern Münich"-lə keçirilən oyundan sonra Totti komanda səhv taktika seçdiyini bildirdi. Onun fikrincə, "Roma"-nın taktikası həddən artıq müdafiəyə meyilli idi. İtaliya mətbuatının verdiyi məlumata görə, Ranyeri bildirdi ki, bu cür sözləri mətbuat vasitəsi ilə səsləndirmək həm Totti, həm də klubun ziyanınadır. Buna cavab olaraq, Totti bildirdi ki, "Roma"-nın böyük hücum potensialı var və məhz Ranyeri "Bayern"-lə oyunda bu potensialı sərgiləməyə imkan vermədi.