Əfran İSMAYILOV: Qarabağ həmişə səhv buraxır

Hal hazırda zədəniz nə vəziyyətdədir?

Bir neçə saatdan sonra Türkiyəyə yollanacam (müsahibə futbolçunun Türkiyəyə getməsindən öncə baş tutdu – Red.). Orada məni İlham adlı həkim müalicə edəcək. Türkiyədə bir aya yaxın qalacam. Fərdi məşqlərə qayıda bilənkimi Bakıya gələcəm.

 

Həkimlər altı ay haqqında danışıblar, siz isə cəmi bir aydan?

Həkimlər həmişə maksimal müddətdən danışır. Əgər hər şey normal olsa, artıq noyabrın axırında oynaya biləcəm. Artıq qolutqağac olmadan hərəkət edə bilirəm. Yaşıl meydana mümkün qədər tez qayıdmaq istəyirəm. Lakin bu cüt məsələdə tələsmək də lazım deyil.

 

Zədəyə baxmayraq, biz sizi stadionda tez-tez görürük. Çempionatın oyunları barəsində nə deyə bilərsiniz?

"Gəncə"-nin "Bakı"-ya qarşı oyunu mənim çox xoşuma gəldi. Qonaq komanda əla oynadı. "Muğan" da özünə qayıdır. Səlyanlılar "Neftçi"-yə qarşı çox yaxşı oynadılar. Görünürdü ki, onlar Bakıdan xalla qayıtmaq istəyir. Hesab edirəm ki, bu mövsüm çox çətin alınacaq. Çempion kim olacağına əvvəlcədən heç kəs deyə bilməz. Qarşıda bizi çətin oyunlar gözləyir.

 

"Qarabağ"-ın oyunu barəsində nə deyə bilərsiniz?

"İnter"-ə qarşı oyun mənim xoşuma gəlmədi. Biz daha da yaxşı oynaya bilərik.

 

Rəşad Sadıqovun gedişi komandanın müdafiəsinə təsir edirmi?

Rəşad kimi futbolçu hər bir komandaya lazımdır. Sadıqov təcrübəli müdafiəçidir və onun gedişi təsirsiz ötüşməyəcək. Lakin Qurban Qurbanov bu məsələni həll edəcək. "Qarabağ" həmişə səhv buraxır, amma sonradan onları düzəldir.

 

Yeri gəlmişkən, Türkiyədə Rəşadla görüşməyi planlaşdırırsınız?

İstanbulda qalacam. Buna görə də qabaqcadan nəsə deyə bilmərəm. Amma imkan olsa, o zaman "Eskişehirspor"-un oyunu seyr edə biləcəm.

 

"Qarabağ"-ın avrokuboklardaki altı oyununda beş qol vurur. Xaricdən təklif gəlməyibki?

Olub. Lakin indiki zamanda mən bütün diqqətimi zədəmə yönəldmişəm. Buna görə də bu barədə danışmağa istəmirəm.

 

"Lokomotiv" barəsində də danışmaq istəmirsiz?

"Lokomotiv" menecerləri mənimlə danışıb. Lakin "Neftçi" ilə oyunda zədə aldım və danışığlar bitdi. "Lokomotiv"-lə olan variant aktuallığı barəsində hələ ki heçnə bilmirəm. Amma mən sağalıb, futbola qayıtmaq istəyirəm. Əgər klub və millidə uğurlu çıxış etsəm o zaman yenə də xarici komandaların diqqətini cəlb edəcəm.