Rəşad SADİQOV: Bu qələbə bizə lazım idi

İki turdan sonra "Qarabağ" ilk qələbəsini əldə etdi.

Uğursuz startdan sonra bu qələbə bizə lazım idi.

 

Baxmayaraq ki, "Qarabağ" ikinci hissənin əvvəlində hesabı 2:0 etmişdir, siz hücumları davam etdirirdiz və daha çox qol vurmaq istəyirdi. Bu nə ilə əlaqədar idi?

Ardıcıl iki oyun biz qol vura bilmirdik. "Qarabağ" kimi komanda üçün bu qəbul edilməzdir.

 

Deməli ötən oyunlarda vura bilmədiyiniz qolları bu görüşdə vurmaq istədiniz?

Bu oyundan qabaq dörd görüşdə biz rəqib qapısından cəmi iki top keşirmişdik. Bu nöqsanı düzəltməyə imkan var idi. Kifayət qədər qol vurmaq şansı, hesabı daha da böyük etmək üçün imkan var idi. Rəqib də oynamağa imkan verirdi. Ola bilsin ki, onlar sonuncu turdan sonra tam bərpa olmayıb.

 

Çətin ki Toni Adamsın yetirmələri sizə bu oyunda olduğu kimi imkan yaradacaqlar.

Qəbələdə bizi çətin oyun gözləyir. Açığı deyim ki, biz çox çətin oyun gözləyirik. Bu görüşdə də bizə qələbə lazımdır. Və oraya məhz qələbə dalınca gedəcəyik.

 

Həftədə iki oyun oynamaq bezdirməyib?

Bu bizim işimizdir, ondan bezmək olmaz. Lakin etiraf edim ki, çox yorulmuşuq. Çoxları deyir ki, Avropa da hər iki gündən bir oynayırlar. Amma buna baxmayaraq, yorğunluq bizi tərk etmir. Təsəvvür edin ki, "Qəbələ" ilə oyundan sonra biz Azərbaycan yığmasının toplanışına yollanacayıq.

 

Bundan daha çox "Qarabağ" əziyyət çəkir?

Demək olar ki gələn həftə biz millinin sərəncamında olacayıq. Klub isə bizi oyun iki gün qalmış buraxacaqlar.

 

Deməli nəticə uğursuz olsa, o zaman ağdamlıların yaxşı bəhanəsi olacaq?

Bəhanə axtarmaq istəməzdik. Buna görə də oynayacayıq. Hər halda bu mövsüm hər kəs bizdən ancaq müsbət nəticə gözləyir.