Sadıq SADIQOV: Muğan`ın rəhbərliyi digərlərin maraqlarına uyğun olaraq çalışır? Bu ki cəfəngiyatdır

Söhbət "Muğan" – XL oyunundan (0:0) başlandı. Bu görüşdən sonra qonaqların nümayəndələri işarə etdilər ki, Salyan klubu "Neftçi"-nin maraqlarına uyğun olaraq oynadı. Həmin oyunda lənkəranlılar iki xal itirdi və paytaxt təmsilçisinə çempionatın vahid lideri olmağa imkan verdilər.

 

Lakin Sadıqov başqa fikirdədir. "Doğrudanmı kimsə düşünür ki, "Muğan"-ın rəhbərliyi digərlərin maraqlarına uyğun olaraq çalışsınlar? Bu ki cəfəngiyatdır. Əgər rəqibi məğlub edə bilmədinsə, başqa birisini və yaxud hakimi günahlandırmaq olmaz. Artıq neçə ildir söz-sözhbətlər eşidirəm ki, "Neftçi"-yə kömək edirlər. Komanda 9-cu olanda bunu deyirldilər, komanda lider olanda da bunu deyirlər. Məgər görünmür ki, "Neftçi"-yə heç kəs kömək etmir? Sadəcə komanda öz oyununu tapıb, qələbə qazanır", - klubun başçısı dedi.

 

Onun fikrincə, şənbə günü onun komandasına çətin olacaq: "Bu oyun klubum üçün bir imtahandır. Məhz imtahan. "Neftçi" nəyə qadir olduğunu bilmək istəyirəm. Bəli, onlar hər bir rəqiblə mübarizə aparmağa hazırdır. "İnter" və "Qəbələ" ilə oyunlar bunu sübut etdi. Növbədə XL-di. Bu günə kimi heç kəs deyə bilməz ki, bizə kimsə kömək edib. Biz özümüz qol vurub, qələbə qazanmışıq".

 

Hər bir azərkeş kimi, "Neftçi"-nin prezidenti başa düşür ki, qonaq komanda Lənkəranda çətinliklərlə üzləşəcək. "Fanatların qarşıdurmasından xəbərdaram və inanıram ki, hər şey yaxşı olacaq. Biz problemlərdən qorxmuruq və qonaq meydançasında azərkeşlərimizlə gedirik. Öz oyunçularımıza da inanıram. Futbolçular sübut etməlidilər ki, onlar əbəs yerinə klubun liderləri deyillər. Qoy meydançaya çıxıb, əsl kişi kimi oynasınlar", - Sadıqov vurğuladı.

 

Həmçinin paytaxt komandanın başçısı hələ öz qapısında qol götməyən XL-ın müdafiəsi və çempionatın bombardiri Bahodir Nəsimovun çıxış etdiyi "Neftçi"-nin hücumu arasında gözlənilən qarşıdurmaya da toxundu. "Bu mövsüm hücum xəttimiz yaxşıdır. Bir tərəfdən Nəsimov qol vurur, digər tərəfdən Emil Mpenza kimi forvard əsas heyətə düşə bilmir. Fərid Quliyev də çalışır, lakin əsas heyətin oyunçusu ola bilmir. Bu məni sevindirir. Deməli klubda rəqabət var. Nəsimovun XL-ın müdafiəçiləri ilə qarşıdurmasının nəticəsini isə bizə oyun göstərəcək", - Sadıqov qeyd etdi.

 

Onun sözlərinə görə, heç nəyə baxmayaraq, komandalar təmiz futbol oynamalıdır: "Əgər komandalar təmiz oynasa və rəqib qapımızdan dörd top keçirsə, o zaman mən onları səmimi qəlbdən təbrik edəcəm. Təmiz qarşılaşmada məğlub olmaq heyf deyil. Amma mən komandama inanıram. Və inanıram ki, qələbə qazanacayıq".