25 sentyabr 2010 12:40
Mourinyo İspaniya klublarını ittiham etdi
Madridin "Real" komandasının baş məşqçisi Joze Mourinyo bildirdi ki, İspaniyada elə klublar var ki, "Barcelona"-ya xalları bağışlayır. Azerisport.az xəbər verir ki, portuqalialı mütəxəssis "Sporting Gijon" klubunu xüsusən nəzərdə tuturdu. Onun sözlərinə görə, bu komandanın çalışdırıcısı Manuel Presiadonun meydana buraxdığı əsas heyət şübhə doğurur.
"Əgər İspaniyada elə klublar var ki, onlar "Barca"-ya xal bağışlayır, o zaman ölkə birinciliyində qalib gəlmək çox çətin olacaq. Buna görə də biz özümüzə bir sual verməliyik: "qızılı" əldə etmək üçün nə qədər xal toplamalıyıq? Əlbətdə ki, həddindən artıq çoxlu xal. Və əgər bəzi klublar düşünərək ki, "Barca" ilə oyunda onların şansı yoxdur və buna görə də ikinci heyəti buraxır... Əgər bu cür hallar tez-tez baş tutsa, o zaman bizə çox çətin olacaq", - Mourinyo bəyan etdi.
Mənbə: Marca
