1 oktyabr 2010 14:27
Vinfrid Şefer Lənkərandan üç xal gətirmək istəyir
Azərbaycanın "Bakı" klubunun baş məşqçisi Vinfrid Şefer Premyer-liqanın 8-ci turunda "Xəzər-Lənkəran"-la keçiriləcək oyundan öncə öz fikirləri ilə bölüşdü. Azerisport.az xəbər verir ki, Şefer bu oyunun xüsusi əhəmiyyət kəsb etmədiyini, "Bakı"-nın həmişə olduğu kimi bu qarşılaşmada da yalnız üç xal qazanmaq barədə düşündüyünü söyləydi.
"XL güclü komandadır. Təsadüfi deyil ki, onlar turnir cədvəlinin lideridirlər. Ancaq bu amil bizim planlarımıza heç bir dəyişiklik etmir. "Bakı" Lənkərana qələbə ardınca gəlir.Son turda "Turan" üzərində əldə etdiyimiz qalibiyyət psixoloji cəhətdən yerinə düşdü. Biz oyunumuzu gücləndirmək üzərində işlərimizi davam etdiririk. Rəqibin oyun tərzini kifayət qədər incələmişik. İnanıram ki, azarkeşlər maraqlı bir qarşılaşmanın şahidi olacaqlar. Bizim məqsədimiz Lənkəranda üçxal qazanmaqdır", - Şefer klubun rəsmi saytına bildirdi.
