4 oktyabr 2010 17:41
Elvin BEQIRI: Bu həm Neftçi`yə, həm də Bakı`ya aiddir
Azərbaycanın "Xəzər-Lənkəran" klubunun müdafiəçisi Elvin Beqiri ölkə çempionatının 8-ci turu çərçivəsində "Bakı" ilə keçirilən oyundan sonra (1:1) azerisport.az saytına müsahibə verdi.
Ötən turdaki əldə edilən uğuru bu dəfə təkrarlaya bilmədiniz.
"Bakı"-ya qarşı yaxşı oynadıq. Oyunun gedişatına 90 dəqiqə ərzində nəzarət edirdik. Sonda isə bizim bəxtimiz gətirmədi və lazımsız qol buraxdıq. Amma dəhşətli heç bir şey baş verməyib. İrəliyə baxırıq. Qarşıda xeyli oyun var. Növbəti oyunlara hazırlaşmalıyıq.
Ola bilsin ki, Jabanın meydandan qovulması komandanın arxayınlaşdırdı?
Bu ola bilməz. Biz əvvəlcədən qarşımıza məqsəd qoymuşduq ki, bu oyunda qələbə qazanaq. Buna görə də bu cür risk buraxa bilməzdik. Ümumiyyətlə Jabanın qovulmasından sonra bakılılar daha aktiv hücum etməyə başladı. Onlar heçnə itirmirdi. Bizə isə sadəcə rəqibin müdafiədəki boşluqlardan istifadə etmək lazım idi. Biz bunu edə bilmədik.
Ən çox nəyə təəssüflənirsiniz – itirilən iki xala yoxsa çempionatda buraxılan ilk qola görə?
Əlbətdəki itirilən xallara görə. Gec-tez qol buraxacaydıq. Komandanın bir mövsüm ərzində qol buraxmadığını yadıma sala bilmirəm. Xalları isə itirməməliydik.
Nəticədə XL birinci pilləni itirdi.
Bu müvəqqətidir. Qarşıda hələ də oyunlar var və biz birinci pilləni özümüzə qaytara biləcəyik. Əsas odur ki, bu pilləni mövsümün sonunda tutaq.
Komanda yoldaşlarınızın dediylərinə baxmayaraq, ardıcıl olaraq iki derbi oynamaq o qədər də asan deyil.
Bu cür güclü komandalara qarşı iki oyun dalbadal oynamaq çox çətindir. Əlbətdə bu oyunların arasında digər bir komanda ilə görüşsəydik daha yaxşı olardı.
Baxmayaraq ki, hələ mövsüm təzə başlayıb, "Bakı" ilə heç-heçə turnir cədvəlindəki vəziyyəti daha da kəskinləşdirdi.
Bu onu göstərir ki, bu vəziyyət mövsümün sonuna kimi davam edə bilər. Düşünürəm ki, gec-tez "Bakı" da liderlər qrupuna qoşulacaq. Bu əla futbolçuları olan komandadır.
Sizi narahat etmirmi, ilk dövriyyədə bütün əsas rəqiblərlə görüşləri öz meydanınızda keçirdiniz? Bəs ikinci dövriyyədə necə olacaq – axı həmin görüşlər səfərdə oynanılmalıdır?
Bizim üçün harada oynamaq fərq etmir. Biz həmişə qarşımızda qələbə qazanmaq məqsədini qoyuruq. Buna görə də rəqiblərimiz onların meydanında da məğlub etməyə çalışacayıq. Bu "Neftçi" və "Bakı"-ya da aiddir.
