"Azərbaycan Avstriyaya çətin anlar yaşada bilər"

Avstriya mətbuatı qeyd edir ki, Azərbaycan böyük komandalar sırasına daxil olmamasa da, bu komanda Avstriyaya çətin anlar yaşada bilər: "Azərbaycan FİFA reytinqində 102-ci olmasına baxmayaraq, bu reytinqdə özündən güclü olan komandaları məğlub etməyə bacarıb. Misal üçün, DÇ-1998-nin "seçməsində" İsveçrəni 1:0 məğlub etib; DÇ-2002-nin təsnifat mərhələsində Slovakiyaya 2:0 qalib gəlib; AVRO-2004-ün "seçməsində" o zaman Serbiya və Çernoqoriya lan yığmasını qonaq meydançasında 2:2 hesablı heç-heçə, evdə isə 2:1 hesabı ilə məğlub edib; AVRO-2000-nin təsnifatında Portuqaliya Bakıda hesabı yalnız son dəqiqədə bərabərləşdirə bildi – 1:1".

 

Həmçinin Avstriya KİV-ləri onu da vurğulayırlar ki, Azərbaycanın baş məşqçisi Berti Foqtsun digər avropalı həmkarlarından üstünlüyü var: "Avstriya ilə oyuna Foqts yetirmələrini FİFA-nın müəyyən edilmiş gündən bir gün öncə, yəni bazar günü bir yerə yığmışdır. Bu da onu göstərir ki, Foqts digər avropalı həmkarları üzərində üstünlüyə malikdir".