6 oktyabr 2010 18:56
Şahin Diniyevin Qazaxıstan sınağı?
Azərbaycanın futbol üzrə keçmiş baş məşqçisi Şahin Diniyev Qazaxıstan çempionatına keçə bilər. Azerisport.az xəbər verir ki, Diniyevlə Qazaxıstan çempionatının ilk altılığına daxil olan klublardan biri maraqlanır. Qeyd etmək lazımdır ki, hazırda azərbaycanlı mütəxəssis Rusiya Premyer-liqasında çıxış edən "Terek" komandasının məşqçisidir və bu klubla müqavilə bu ilin sonunda başa çatacaq. Diniyev hələ ki bu təklif üzərində düşünür...
Biz isə sizin diqqətinizi Şahin Diniyevin futbola necə gəlməsinə yönəldmək istəyik. Futbolçu kimi Diniyev 1984-cü ildə Mingəçevirin "Avtomobilçi" komandasında başlayıb. Bundan sonra o çoxlu komanda dəyişib, Rusiya (həmin "Terek"-də), İzraildə çıxış edib. Futbolçu karyerasının "Dinamo" (Bakı) klubunda bitirəndən sonra o 2001-ci ildə yenə də "Terek"-ə qayıdaraq yeniyetmə və gənclərlə çalışmaqa başladı. Lakin tez bir zamanda oradan getdi və Azərbaycana döndü. 2002-ci ildən 2006-cı ilədək o "Qarabağ" və "Kəpəz" klublarında çalışırdı. 2005-ci ilin noyabrında isə Diniyev Azərbaycan yığmasnın baş məşqçisi təyin olundu.
Demək olar ki, onun rəhbərliyi altında komanda uğurlu start götürdü. Diniyevin ilk rəqibi güclü Ukrayna yığması oldu. Oyun Bakıda keçirildi və həmin görüş 0:0 hesablı heç-heçə ilə bitdi. Sonradan Qazaxıstanla AVRO-2008-nin seçmə mərhələsi çərçivəsində keçirilən oyunlardan cəmi iki xal götürə bildi. Ümumiyyətlə rəsmi oyunlara gəldikdə, Diniyev Azərbaycanla əldə edilən ən böyük uğuru sözsüz ki Finlyandiya üzərindəki qələbədir (1:0). Lakin Diniyevi əsasən digər bir nəticələrə görə azərkeşlərin yaddaşında qaldı: Polşaya 0:5 və Serbiya yığmasına Bakıdaki 1:6 hesablı məğlubiyyətlərlə. Bakıdaki fiaskodan sonra Diniyev bütün tənqid və təzyiqlərə dözməyərək milli komandanı tərk etdi. Bu 2007-ci ilin sonunda baş verdi.
Bundan sonra mütəxəssis iki ilə yaxın məşqçilik fəaliyyəti ilə məşğul olmurdu. Ancaq 2009-cu ildə o növbəti dəfə "Terek"-ə qaydırı və burada klubun gənclərdən ibarət komandasının məşqçisi vəzifəsinə təyin olunur. Onun rəhbərliyi altında gənclər yaxşı oyun göstərir, uğur əldə edir. 2009-cu ilin sonunda əsas komandanın baş məşqçisi Vyaçeslav Qroznı istefaya gedəndən sonra, onun yerinə müvəqqəti olaraq Diniyevi təyin edirlər. Lakin yerlimiz qalan oyunlardan qələbə qazana bilməyib. Buna baxmayaraq klub prezidenti onun işini yüksək qiymətləndirir və əsas komandanın məşqçisi təyin edir.
Göründüyü kimi, Diniyevin məşqçi karyerasında hər şey olub: həm böyük uğur, həm ondan heç də kiçik olmayan uğursuzluq. Və əgər Qazaxıstana keçid baş tutsa, o zaman oradaki karyerasının hissəsi necə olacağını əvvəlcədən demək çətindir. Yeganə ümidimiz isə: Diniyev bu dəfəki mərhələdə uğursuzluqlardan uzaq olsun.
