Vaqif CAVADOV: Qrupdan çıxmaq məqsədimiz yoxdur

Vaqif, komanda ikinci böyük hesablı məğlubiyyətlə üzləşdi. Vyanada yığma ilə nə baş verdi?

Oyuna çox ciddi hazırlaşırdıq. Rəqibi, onun oyununu təhlil edirdik. Biz sadəcə yaxşı nəticə qazanmaq istəyirdik. Mən hətta deyə bilərəm ki, biz Avstriya üzərində qələbə qazanmağı çox istəyirdik. Almaniyadaki darmadağından sonra hər şeyi düzəltmək istiyərdik. Ancaq alınmadı.

 

Avstriya komandamızı nə ilə üstələdi?

Onlar erkən qol vuraraq, özlərini rahat hiss etməyə başladı. Deməzdim ki, biz heçnə edə bilmirdik, çünki komandamız hücum etməyə çalışırdı. İlk yarını biz yaxşı keçirdik, lakin sonradan baş verənlər... Ola bilsin ki, ikinci hissəyə gücümüz çatmadı.

 

Vətənə ikinci dəfə məğlubiyyətlə qayıtmaq ağır deyil?

Bu bizə çox pis təsir edir. Qohumlar, dostlar, yaxınlar – hamısı bizə görə həyəcan keçirirdi. Biz isə başımız aşağı gəzməyə məcbur idik.

 

Bu məğlubiyyət Türkiyə ilə keçiriləcək oyuna necə təsir edəcək?

Vyana haqqında unutmalıyıq. Qrupdan çıxmaq məqsədimiz yoxdur – biz sadəcə olaraq xal ala biləcək oyunlarda bu xalları qazanmalıyıq. Qrupun favoritləri deyilik. Bəzən bu bizim xeyirimizədir. Lakin unutmaq lazım deyil ki, bizə seçmə mərhələdə olan ən çətin qrup düşüb. Siz ki gördünüz, Almaniya Türkiyə ilə nə etdi.

 

Bəli, 3:0 hesabı ilə. Hesab etmirsiz ki, türklər Bakıda hirsli olacaq?

Evdə oynamaq bir az asandır. Həm də nəzərə alaraq ki bu indiki "seçmədə" bizim ilk ev oyunumuz olacaq. Yeri gəlmişkən, Almaniya ilə oyundan sonra Arda mənə bir şey dedi...

 

Deyə bilərsiniz o nə söylədi?

O dedi ki, almanlara ona görə məğlub oluruq ki, onlar futbolçu kimi təbii qazonlarda böyüyür, uşağlığın orada keçirir. Biz isə süni ot örtüylərində çalışırıq. Bizdə hətta süni qazonlarda oyunlar da keçirilir! Bu da daimi zədələrə, menisklə bağlı problemlərə, vaxtından tez karyeranın bitirməyinə gətirib çıxarır. Almaniya və Avstriya uşağlarının məşq etdikləri şərait bizim bəzi klublarımızın şəraitindən qat-qat üstündür.

 

Komandamızın əldə etdiyi nəticələrə nəzərə alaraq, elə hesab etmək olar ki, bizim futbolçularımıza Avropaya getmək hələ ki tezdir?

Mən bunu deməzdim. Bütün matçlar bir-birinə bənzəmir. Misal üçün, "Qarabağ"-ın iki il dalbadal avrokuboklarda etdiyini yada salın. Əla komandları məğlub edirdi. Futbolçularımız Avropada oynaya bilər. Və nə qədər ki, çox futbolçumuz Avropada oynayacaq, o qədər də yaxşıdır.

 

O qədər də əla futbolçusu olmayan Estoniya və Azərbaycanın imkanlarından bir faizi olmayan Ermənistan kimi komandalar Dünya Çempionatının iştirakçılarına qalib gəlməyi sizə necə təsir edir?

Əlbətdə ki bu bizə pis təsir edir. Biz də sensasiya etməliyik. Lakin gəlin buna başqa tərəfdən də baxaq. Estoniya və Ermənistan qələbə qazanır. Bəs İtaliya, Fransa, Portuqaliya kimi komandalar necə? Onlarda açıq-aşkar böhrandır! Böyük yığmalar ortabab komandaları məğlub edə bilmirsə, bizdən nə istəmək olar?