11 oktyabr 2010 14:53
Rəşad Sadıqov: Komandanın əsas məqsədi – məğlub olmamaq
Azərbaycan yığmasının kapitanı Rəşad Sadıqov Türkiyə ilə AVRO-2012-nin seçmə mərhələsi çərçivəsində keçiriləcək oyund barəsində öz fikirlərini bildirdi.
"Çox çətin səfər oyunlarını keçirdik. Hamı gördü ki, Almaniya ilə oynamaq çox çətindir. Türkiyənin Almaniya ilə keçirdiyi oyun buna sübutdur. Avstriya ilə biz ilk yarıda normal görünürdük. Lakin ikinci hissəyə gücümüz çatmadı. Avstriya barəsində unutmuşuq. Türklərə qarşı oyuna hazırlaşırıq", - azerisport.az xəbər verir ki, bunu Sadıqov dedi.
Onun sözlərinə görə, komandanın əsas məqsədi məğlub olmamaqdır. "Avstriyada erkən qol hər şeyi korladı. Sabah isə bu təkrarlanmamalıdır", - müdafiəçi vurğuladı.
