12 oktyabr 2010 23:24
Berti FOQTS: İlk dəqiqədən öz futbolumuzu oynayırdıq
Azərbaycan yığmasının baş məşqçisi Berti Foqts AVRO-2012-nin seçmə mərhələsi çərçivəsində Türkiyə üzərində 1:0 hesablı əldə edilən qələbədən sonra mətbuat konfransı keçirdi.
"Oyuna əla başladıq. İlk dəqiqədən öz futbolumuzu oynayırdıq. Çox şadam ki, indi Türkiyədədünyanın futbol xəritəsində Azərbaycanın da olduğunu biləcəklər", - azerisport.az xəbər verir ki, bunu Foqts dedi
Onun sözlərinə görə, görüşün sonlarında komandamızın azacıq bəxti gətirdi: "Avstriya ilə oyundan fərqli olaraq, bu dəfə bəxt bizim tərəfimizdə idi. Həmçiin azərkeşlər də stadionda əla atmosfer yaradmışdır".
Türkiyə üzərində qələbəni Foqts AFFA-nın prezidenti Rövnəq Abdullayevə həsr etdi. Mətbuadan isə xahiş etdi ki, oyunçuları tərifləməsinlər.
Həmçinin Foqts meydanda olan və olmayan futbolçular barəsində də danışdı: "Samir Abbsov zədəlidir, Elvin Məmmədov isə oyuna pis hazırlaşmışdır – bu səbəbdən də onlar oyunda iştirak etmədi. Rəşad Sadıqov əsl lider idi, komandanı ardınca aparırdı. Vaqif Cavadov isə öz imkanlarının 80 faizini göstərdi".
Lakin alman mütəxəssis əldə olunmuş qol vəziyyətlərinin istifadəsində narazı idi. "Biz imkanlarımızdan istifadə edə bilsəydik, daha da böyük hesablı qələbə qazana bilərdik. Ancaq bunu izah etmək olar. Komandamız gəncdir və kifayət qədər təcrübəsi yoxdur", - Foqts qeyd etdi.
"Türkiyə yığması hələ də ikinci yer uğrunda mübarizə apara bilər. Deməzdim ki, türklər zəifdir", - Azərbaycan yığmasının baş məşqçisi Berti Foqts bildirdi.
