18 oktyabr 2010 00:05
Mirça Rednik: Gəncə bizə futbol dərsi keçdi
Azərbaycan çempionatının 9-cu turunda doğma meydanda "Xəzər-Lənkəran" klubunu qəbul edən "Gəncə" meydanı qələbə ilə tərk edib. Azerisport.az PFL-ın rəsmi saytına istinadən xəbər verir ki, 17500 azarkeşin izlədiyi qarşılaşma ev sahibi komandanın 4:1 hesablı qələbəsi ilə başa çatıb.
"Gəncə"klubunu qələbə münasibəti ilə təbrik edirəm. "Gəncə" bu gün bizə futbol dərsi keçdi. Çox gözəl oyun oldu. Öz oyunçularıma qabaqcadan da demişdim ki, əgər əvvəlki 8 turdakı oyunumuzu göstərməsək, "Gəncə"-yə qalib gəlmək çox çətin olacaq. Bir daha "Gəncə"-ni təbrik edirəm", - bunu XL-ın baş məşqçisi Mirça Rednik dedi.
"Milli komandanın oyunları ilə əlaqədar yaranmış fasilədə biz məşq etdik, vaxtdan səmərəli istifadə etdik. Həmçinin milli komandanın Türkiyə üzərində qələbə qazanması bizi ruhlandırdı. Yerli oyunçular da sübut etdi ki, yaxşı oynaya bilirlər və qələbə qazanırlar", - "Gəncə"-nin çalışdırıcısı Fuad İsmayılov bildirdi.
