Rauf ƏLIYEV: "Altılığa" düşməsək, heçnəyə nail olmayacayıq

Yenə də "Qarabağ" rəqibini çətinliklə məğlub etdi.

Gözlənildiyi kimi çətin oyun keçirdik. Ümumiyyətlə çempionatda asan oyun yoxdur. Hər bir klub digər komandaya əngəl ola bilər. "Simurq"-la oyunda biz az qala xal itirəcəkdik. Yaxşı ki, son dəqiqələrdə artırtıq və iki qol vurduq. Bəli, "Simurq"-u çətinliklə məğlub edə bildik. Amma ən əsası üç xal qazandıq.

 

Türkiyə ilə görüşdən sonra Premyer-liqanın oyunlarına keçmək çətin deyil idimi?

Əlbətdə türklərlə oyundaki kimi tribunalar dolu deyil idi. Lakin gərginlik baxımından bu görüş Türkiyə ilə oyundan geri qalmırdı. İkinci hissə ümumiyyətlə bir ana keçdi. Mən isə öz növbəmdə şadam ki, qələbədə mənim əməlim də oldu.

 

"Qarabağ" hücuma keçəndə rəqibin əks-hücumlarını buraxırdı. İki topu məhz bu cür vəziyyətdən sonra buraxdınız.

İkinci hissənin əvvəlində vurulan qol bizi çox təəccübləndirdi. Yaxşı ki öz vəziyyətlərimizdən istifadə edə bildik. Əks halda məğlubiyyətdən qaça bilməyəcəkdik.

 

Qırağdan görünür ki, Ağdam klubu heç də yaxşı vəziyyətdə deyil...

Son vaxtlar bəzən oyun alınmır. Ola bilsin ki, bu ya yorğunluqdan, ya digər bir səbəbdən baş verir. Hələlik bəzi şeylər alınmır. Amma hesab edirəm ki, qələbələrlə oyunumuz da qayıdacaq.

 

Siz yorğunluqdan danışırsız, bəs gələn həftə necə olacaq? Axı qarşıda iki oyun olacaq. Onlardan biri də "Bakı" ilə təxirə salınmış görüşdür.

Oynayacayıq – nə alınsa alınacaq. Paytaxt təmsilçisinə qarşı oyuna mövsümün ən çətin qarşılaşmalarından biridir. Onarı məğlub edə bilsək, şanslarımızı artırmış olarıq.

 

Əks halda "altılığa" düşməklə bağlı çətiliklər yaranmayacaqmı?

Yüksək pillələr uğrunda mübarizə aparırıq. Və əgər "altılığa" düşə bilməsək, o zaman heçnəyə nail ola bilmərik.