Mahir ŞÜKÜROV: Komanda birinci qoldan sonra sındı

"Anjı" mövsümdə ən böyük hesablı məğlubiyyətlə üzləşdi – "Dinamo"-dan 0:4.

Deməzdim ki, biz pis oynadıq. Hakim qapımıza iki penalti təyin etdi, digəq qol isə rəqib cərimə zərbəsindən vurdu. "Dinamo"-da o qədər yaxşı görünmürdü, sadəcə öz fürsətlərindən istifadə etdi.

 

Birinci hissənin sonunda üç dəqiqə ərzində iki top buraxdınız. "Anjı"-yə nə oldu?

Yeri gəlmişkən hakim birinci penaltini təyin etməməli idi. Orada fol yox idi. Məncə komanda birinci qoldan sonra sındı.

 

Fasilədən sonra sizi əvəzlədilər. Oyununuz məşqçini qane etmədi?

Bilirsiniz, yığmanın heyətində iki çətin oyun keçirdim. "Dinamo" ilə qarşılaşmadan öncə mənə dedilər ki, gücüm çatan qədər oynayacam.

 

Hər halda Moskvaya siz yaxşı əhval-ruhiyyə ilə gəldiniz. Bakıdan qayıdışdan sonra sizi klubda necə qarşıladılar?

Hər kəsə və məşqçiyə təbriklərə görə təşəkkür edirəm. Çox xoş idi. Ümid edirəm ki, bu sonuncu dəfə yığmadan qələbə ilə qayıdışım deyil. Əgər bu dəfə də Maxaçqalaya məlubyyətlə gəlsə idim, bu lap biabırçılıq olacaqdı.

 

Moskva səfəri əhvalınızı korlamadı?

Əlbətdə. Lakin bu artıq geridədir. İrəlidə bizi ev oyunları gözləyir. Üç tur dalbadal ev oyunları olacaq – "Zenit", "Lokomotiv" və "Tom"-a qarşı.

 

Həmin görüşlərə qarşınızda konkret məqsəd qoyulub?

Bizdə bir məqsəd var – hər oyunda qələbə qazanmaq.

 

Yeri gəlmişkən, Türkiyə Supreliqasının son turunda Azərbaycan millisinin kapitan Rəşad Sadıqov "Eskişehirspor"-da debüt etdi. O görüş Sadıqovun komandasının xeyirinə bitdi. Aranızda zəngləşməmisiniz?

Dünən Rəşad mənə zəng vurdu, söhbət etdik. Öz növbəmdə onu birinci oyun və qələb ilə təbrik etdim.

 

Türkiyə üzərində qələbədən sonra futbolçularımızın xaricə getməyi söhbətləri daha da artıb. Siz özünüz xaricdə çıxış edirsiniz. Sizcə, kim bu səviyyədə çıxış edə bilər?

Elnur Allahverdiyeb. Onun bunun üçün lazımi xüsusiyyətləri var.

 

"Anjı"-də azərbaycanlı futbolçularla maraqlanmırlarki?

Hələ ki planlarda bu yoxdur.

 

Maxaçqalada yaşamağa alışmısınız?

Bəli. 10-11 aydır ki burada qalıram. Özümü evdəki kimi hiss edirəm. Bakı da heç də uzaq deyil.